ዜና እና ክንውኖች
በፀደቀው የመረጃ ነጸነት ደንብ ላይ ስልጠና ተሰጠ
ሐሙስ, 05 October 2017 08:06

የሕዝብ ዕንባ ጠባቂ ተቋም በአገራችን ግልፅነትና ተጠያቂነት የሰፈነበት መልካም የመንግስት አስተዳደር መገንባት ለዜጎች ኢኮኖሚያዊና ማሕበራዊ ተጠቃሚነት ወሳኝ እንደሆነ ያምናል፡፡ ከዚህ አላማ በመነሳት መልካም የመንግስት አስተዳደር የሰፈነበት ዴሞክራሲያዊ ስርዓት ለመገንባት ብሎም ለማረጋገጥ የሚያስችሉ የተለያዩ አሰራሮችን በጥናትና በቁጥጥር በመፈተሸ ለተግባራዊነቱ በመንቀሳቀስ ላይ ይገኛል፡፡ ከዚህ በተጨማሪም ተቋሙ እያስፈፀመ የሚገኘው የመገናኛ ብዙሃንና የመረጃ ነፃነት አዋጅ ቁጥር 59/2ዐዐዐ በክፍል 3 ስር የተዘረዘሩትን እያስተገበረ ይገኛል፡፡ በዚህም ረገድ ልዩ ልዩ የህግ ማዕቀፎችን፣ ቼክሊስቶችንና መመሪያዎችን በማዘጋጀት በየወቅቱ ስራ ላይ እያዋለ ይገኛል፡፡

ተቋሙ የመረጃ ነፃነት አዋጁ ለመልካም አስተዳደርና ለዴሞክራሲ ስርዓት ግንባታ ማበርከት የሚችለውን አስተዋፅኦ እንዲያበረክት ብሎም ሕብረተሰቡ በመንግስት የስራ እንቅስቃሴዎች ላይ መረጃ ጠያቂና በዕውቀት ላይ የተመሠረተ ንቁ ተሣታፊ እንዲሆን በተለያዩ አግባቦች ሰፊ የግንዛቤ ማስጨበጫ ስራ ሲሰራ ቆይቷል፡፡ ከዚህም ጎን ለጎን ዜጎች በአዋጁ ይበልጥ ተጠቃሚ እንዲሆኑ ተጨማሪ የአዋጁ ማሟያና አጋዥ የሆኑ ማዕቀፎችንና ደንቦችን እያዘጋጀ እና እየሰራበት ይገኛል፡፡

ለአብነት ከእነዚህ ደንቦች መካከል ሚያዝያ 17/2009 .ም በሚኒስትሮች ም/ቤት የፀደቀው ለሕዝብ ጥቅም መረጃ ይፋ የማድረግ ደንብ አንዱ ነው፡፡ በደንቡ ላይ አቶ ይርሳው ዘውዴ ለፌዴራል የኮሙኒኬሽን ከፍተኛ አመራሮች፣ ለክልል የሕዝብ ግንኙነት የቢሮ ሃላፊዎችና ለፌዴራል ሚኒስትር መ/ቤቶች የሕዝብ ግንኙነት ሃላፊዎች መስከረም 8 እና 9 ቀን 2010 .ም በአዳማ ከተማ ስልጠና ሰጥተዋል፡፡

በስልጠናው እንደተመለከተው የመረጃ ነፃነት አዋጁ በአንቀፅ 39/2 እና 3 የሕዝብ ጥቅም የሚያረጋግጡ መረጃዎችን ይፋ የሚያደርጉ ሰዎች የፍትሐ-ብሔርም ሆነ የወንጀል ተጠያቂነት እንደማይኖርባቸው፣ የሕዝብ ጤንነትንና ደህንነትን፣ የአካባቢያዊ ደህንነትንና ጎጂ የሆነ ከባድ አደጋን በሚመለከት መረጃን ይፋ ማድረግ እንደሚቻል የሚደነግግ በመሆኑ ደንቡ የዚህን ድንጋጌ የተሟላ ተፈፃሚነት ለማረጋገጥ እንደሚያስችል ተገልል፡፡

በመሆኑም የመንግስት አካላት በተለይም የሕዝብ ግንኙነት ሃላፊዎች መረጃዎችን ሃላፊነት በተሞላበት ሁኔታ ለመረጃ ፈላጊዎች መስጠት የሚችሉበትን ስርዓት በመዘርጋት ለግልፅነትና ለተጠያቂነት አሠራር መጎልበት እንዲሁም ለደንቡ ተፈፃሚነት የበኩላቸውን አስተዋፅኦ እንዲያበረክቱ በስልጠናው ላይ ተመልክቷል፡፡

የሕዝብ ዕንባ ጠባቂ ተቋምም መልካም የመንግስት አስተዳደርን ማስፈን ትልቅ አገራዊ አጀንዳ መሆኑን ግንዛቤ ውስጥ በማስገባት መረጃን ለህዝብ ጥቅም ይፋ የማድረግ አሠራርን በህግ ማዕቀፍ አስደግፎ ተግባራዊ ለማድረግ ከህጉ ረቂቅ ጀምሮ በሚኒስተሮች ምክር ቤት በመገናኛ ብዙሃንና የመረጃ ነፃነት አዋጅ ቁጥር 59/2ዐዐዐ አንቀፅ 37/3 መሠረት እስኪፀድቅ እና በነጋሪት ጋዜጣ እስኪታወጅ ድረስ ከሌሎች ጉዳዩ ከሚመለከታቸው ባለድርሻ አካላት ጋር በመተባበር የራሱን ሃላፊነት ሲወጣ ቆይቷል፡፡ በቀጣይነትም ተቋሙ ዜጎች በመልካም አስተዳዳር ዕጦት እንዳይጉላሉና መረጃን በነፃነት መስጠትም ሆነ መቀበል እንዲችሉ አለኝታ ሆኖ መብቶቻቸውን እንዲከበር ከወትሮው በበለጠ ሁኔታ ይሰራል፡፡

በመጨረሻም በመድረኩ ላይ የሕዝብ ዕንባ ጠባቂ ተቋም ም/ዋና ዕንባ ጠባቂ የሆኑት ክብርት ወ/ሮ ሰራዊት ስለሺ ለደንቡ ተፈጻሚነት ጉዳዩ የሚመለከታቸው አካላት ሁሉ በተለይም የፌዴራልና የክልል የሕዝብ ግንኙነት አካላት የተጣለባቸውን ሃላፊነት በአግባቡ እንዲወጡ መልእክታቸውን አስተላልፈዋል፡፡

ስለ ደንቡ ዝርዝር ማብራሪያ እና ይዘት ለመረዳት ሚያዝያ 17/2009 የፀደቀውን ደንብ ከኢ.... ነጋሪት ጋዜጣ ላይ ይመልከቱ፡፡

 
የአፍሪካ ዕንባ ጠባቂዎች ማህበር የአፍሪካ የሰላም ሽልማት አገኘ
ሐሙስ, 13 July 2017 09:45

ኢትዮጵያ በፕሬዝዳንትነት እየመራች ባለችው የአፍሪካ ዕንባ ጠባቂዎች ማህበር፣ በአፍሪካ በመልካም አስተደደር ንባታ፣ በሰላም አብሮ የመኖር እሴቶችን በማጠናከር እና የህግ የበላይነትን እንዲሰፍን በማድረግ እያበረከተ ባለው ውጤታማ ስራ ዩናይትድ ሪሊጂንስ ኢኒሼቲቭ የሚባል አለማቀፍ ተቋም የአፍሪካ የሰላም ሽልማት አበርክቶለታል፡፡

 

በቡሩንዲ ዋና ከተማ ቡጅምቡራ ከ 29-30/2009 .. ሲካሄድ በቆየው አለማቀፍ የሰላም ኮንፈረንስ ላይ ይህ የዕውቅና ሽልማት ለማህበሩ በተሰጠበት ወቅት የህዝብ ዕንባ ጠባቂ ተቋም ዋና ዕንባ ጠባቂ እና የማህበሩ ፕሬዝዳንት /ሮ ፎዚያ አሚን እንደተናገሩት ‘የተሰጠው ሽልማት ማህበሩ በአፍሪካ የህግ የበላይነት እንዲረጋገጥ፣ ሰብአዊና ዴሞክራሲያዊ መብቶች እንዲከበሩ እና መልካም የመንግስት አስተዳደር እንዲሰፍን ተግቶ እንዲሰራ የበለጠ ያበረታታዋል‘ ብለዋል፡፡

Hon. Foziya Amin

ከዚሁ ጋር ተያይዞ የዩናይትድ ሪሊጂንስ ኢንሼቲቭ አፍሪካ ዳይሬክተር የሆኑት አምባሳደር ሙሴ ሀይሉ ሲገልጹ ‘ተቋማችን ይህን ሽልማት ለማህበሩ ሲያበረክት ማህበሩ በሰላም አብሮ የመኖር ዕሴቶች እንዲጠናከሩ፣ መልካም አስተዳደር ስርዓት እንዲገነባ፣ ሰብአዊና ዲሞክራሲ መብቶች እንዲከበሩ እያደረገ ስላለው ጥረትና የሰራቸውን ውጤታማ ስራዎችን በመገምገም ነው‘ ብለዋል፡፡

 

በቀጣይም ተቋማቸው ከአፍሪካ ዕንባ ጠባቂዎች ማህበር ጋር አብሮ ለመስራት የመግባቢያ ሰነድ መፈራረማቸውንም ጨምረው ገልጸዋል፡፡

መጨረሻ የተሻሻለው በ አርብ, 14 July 2017 07:28
 
African Ombudsman& Mediators Association observes the 26th African Union Summit
ሐሙስ, 04 February 2016 13:28

Addis Ababa ,January 2016-Ethiopian Institution of the Ombudsman, Chief Ombudsman Foziya Amin - President of African Ombudsman & Mediators Association (AOMA) attended on the 26th African Union Summit which was held from January 30-31/2016 under  the theme "2016: African Year of Human Rights with a particular focus on the Rights of Women” at the headquarters of  the Union Addis Ababa ,Ethiopia with a capacity of observer status representing  AOMA as per the agreement signed between AU-AOMA in October 2011

AU Summit

The Chairperson of the African Union Commission, Dr. Nkosazana Dlamini Zuma in  her welcoming  Remarks  to the 26th Ordinary Session of the Assembly of Heads of State and Government Addis Ababa said   that Africa  must continue to place its  people and their basic human rights, at the centre of Agenda 2063.

 

"This includes our people’s rights to education, to food and nutrition, to health care, to safe water, sanitation and energy, to join in peace, to be safe from violence and extremism, to reach their full potential, in addition to the right to association, to free speech, to freedom of the media and to be protected from discrimination on any grounds. We are making progress, but our pace is very slow. We must use 2016 as a platform to advance these human rights of all
the inhabitants of our continent, in their full diversity, as we work together to create the Africa we want,"  said  the Chairperson of the African Union Commission.

H.E. Idriss Deby Itno, Chairperson of the African Union brought the 26th Ordinary session of the African Union to an end with his remarks appreciating the environment and atmosphere of the Summit which was peaceful. He also thanked the Assembly for their recommendations in respect of the fight against terrorism in Africa. President Deby appealed to all Member States to take seriously, issues which undermine the development of Africa. Dialogue is the key, AU
Chairperson said. In addition, he appealed to the African Union to strengthen its efforts to find ways of bringing peace to Burundi and South Sudan. “We cannot tolerant violence which kills thousands of Africans and leaves them displaced, let us all be vigilant and listen
to the cries of our people.”

The new AU Chairperson would have among other important duties to ensure the implementation by AU Member States of the theme 2016: African Year of Human Rights with a particular focus on the Rights of Women and the Ten Year Implementation Plan of Agenda 2063. He would further mobilize the continent to implement the AU Agenda 2063 with
the view to place Africa as a key player in the world arena.

 

The  Summit has brought   together, including AOMA representative  ,  policy making Organs of the Union, representatives from the Regional Economic Communities (RECs), Civil Society Organizations (CSOs), the Private Sector, the Diaspora, partner organizations, continental and international media and dignitaries as well as invited guests world-wide.

መጨረሻ የተሻሻለው በ ሐሙስ, 04 February 2016 13:47
 
መሠረታዊ አገልግሎትን ለማሳደግ ወጥነት ያለው የቅሬታ ማስተናገጃ ሥርዓት እንደሚያስፈልግ ተገለጸ
ሰኞ, 21 December 2015 07:05

የህዝብ ዕንባ ጠባቂ ተቋም የቅሬታ ማስተናገጃ ሥርዓትን አስመልክቶ በተዘጋጀ ጥናት ዙሪያ ከፌዴራልና ከክልል ከተውጣጡ የቅሬታ ሰሚ አካላት ጋር በአዳማ ጀርመን ሆቴል ከህዳር 2-3 ቀን 2008 ዓ.ም. የቆየ ዐውደ ምክክር አካሄደ፤ የቅሬታ ሰሚ አካላቱ በቅሬታ አሰማምና አፈታት ዙሪያ ያላቸውን ልምድና ተሞክሮም ተጋርተዋል፡፡

የጥናቱ ዓላማ በፌዴራል፣ በክልልና በተዋረድ እስከ ታችኛው የአስተዳደር እርከንያለውን ነባራዊ የቅሬታ አሰማምና አፈታት ሥርዓት የአቅም ክፍተት በመለየት በዓለም አቀፍ ደረጃ ተቀባይነት ካገኙ ምርጥ ተሞክሮዎች ጋር የተጣጣመና በሀገሪቱ ያለውን የአገልግሎት አሰጣጥ ችግር ሊፈታ የሚችል ሥርዓት ለመዘርጋት የሚያግዝ አቅጣጫ ለማመላከት እንደሆነ ጥናቱ ላይ ተመልክቷል፡፡ ጥናቱ በተለይ መሠረታዊ አገልግሎቶችን የማሳደግ (Promoting Basic Service/PBS) ፕሮግራም ሥር ከተካተቱ ወሳኝ የአገልግሎት አሰጣጥ ጋር ተያይዞ የሚቀርቡ ቅሬታዎችን የሚያይ ነፃና ገለልተኛ የቅሬታ አፈታት ሥርዓትን አስፈላጊነት የሚያመላክትና የቅሬታ አፈታት ሥርዓትን ብቃት የሚያሳድጉ የአሠራር ማንዋል ዓይነቶችን እንደሚጠቁም ተመልክቷል፡፡

ጥናቱ በተጨማሪም የቅሬታ አፈታት ሥርዓቱ ከማህበራዊ ተጠያቂነት (Social Accountability/SA) እና ከፋይናንስ ግልጽነትና ተጠያቂነት (Financial Transparency & Accountability/FTA) ጋር ሊኖረው የሚችለውን ተያያዥነት ይጠቁማል፡፡

የምክክር ዐውደ ጥናቱን የከፈቱት የተቋሙ ዋና ዕንባ ጠባቂ ክብርት ወ/ሮ ፎዚያ ዓሚን በመክፈቻ ንግግራቸው፣ ወጥነት ያለው የቅሬታ አሰማምና አፈታት ሥርዓት መሠረታዊ አገልግሎትን በጥራና በቅልጥፍና በማዳረስ የዜጎችን የእርካታ ደረጃ ከፍ ለማድረግ እንደሚያስችል ገልጸዋል፡፡

ክብርት ወ/ሮ ፎዚያ ዓሚን እንደተናገሩት፣ በተለይ በፌዴራልና በክልል የቅሬታ ሰሚ አካላት የቅሬታ ማስተናገጃ ሥርዓት ላይ የሚደረገው ጥናት በቀጣይ ወጥነት ያለው ሥርዓት እንዲዘረጉ ያስችላቸዋል ብለዋል፡፡ ‹ምክንያቱም፣› ያሉት ዋና ዕንባ ጠባቂዋ ‹የሥርዓቱ መዘርጋትና መጠናከር ብልሹ አሠራርን ከመነሻው ማስወገድ የሚያስችል ከመሆኑም በላይ ተቋሙ መልካም አስተዳደርን በሀገር ደረጃ ለማረጋገጥ የሚያደርገውን እንቅስቃሴ ያግዛል› ሲሉ ጨምረው ገልጸዋል፡፡

በዐውደ ምክክሩ ላይ ከዘጠኙም ክልሎችና ከሁለቱ የከተማ መስተዳድሮች የቅሬታ ሰሚ አካላት የተገኙ ሲሆን በጥናቱ ላይ ግብረ መልስ ሰጥተውበታል፤ የአዲስ አበባ፣ የኦሮሚያ፣ የአማራና የትግራይ የቅሬታ ሰሚ ጽ/ቤቶችም የየክልላቸውን የቅሬታ ማስተናገጃ ሥርዓትና አተገባበር አስመልክቶ ተሞክሮአቸውን በማቅረብ የልምድ ልውውጥ አድርገዋል፡፡

ጥናቱ የተካሄዴው ከዓለም ባንክ በተገኘ ድጋፍ ሲሆን በ2003 ዓ.ም. ከዩ.ኤን.ዲ.ፒ በተገኘ ድጋፍ መሰል ጥናት መደረጉ ይታወቃል፡፡

 
የአፍሪካ ዕንባ ጠባቂዎች ማህበር በኢትዮጵያ
ሐሙስ, 30 October 2014 14:43

የአፍሪካ ዕንባ ጠባቂዎች ማህበር 4ኛ ጠቅላላ ጉባዔውን አዲስ አበባ ላይ በአፍሪካ ህብረት አዳራሽ የፊታችን ማክሰኞ ከጥቅምት 25-28 ቀን 2007 ዓ.ም. እንዲካሔድ ተመልክቷል፡፡ ኢትዮጵያ ጉባዔውን እንድታስተናግድ የተወሰነው የማህበሩ የሥራ አስፈጻሚዎች ኮሚቴ (EXCO) ባለፈው ዓመት ሰኔ ወር ላይ በኦጋዱጉ ቡርኪናፋሶ ላይ ባደረገው ውይይት መሠረት ነው፡፡

ውይይቱም የዕንባ ጠባቂዎች ዲሞክራሲያዊት፣ የተረጋጋችና የበለፀገች አፍሪካን ለመገንባት የሚኖራቸው ሚና ላይ ያተኩራልም ተብሎ ይጠበቃል፡፡ ጉባዔውም የኢትዮጵያ የህዝብ ዕንባ ጠባቂ ተቋምና የአፍሪካ ዕንባ ጠባቂዎች ማህበር ከአፍሪካ ህብረት ጋር በሚያደርጉት ትብብር እንደሚዘጋጅ ታውቋል፡፡

ማህበሩና ህብረቱ ቀደም ሲል የጋራ የትግበራ ማዕቀፍ የስምምነት ሰነድ ያላቸው ሲሆን ከመክፈቻው ስነስርዓት ጀምሮ ለሁለቱ ቀናት በጋራ ጉዳዮቻቸው ላይ የትብብር ኮንፈረንስ እንደሚያደርጉም የወጣ መርሐግብር ያመለክታል፡፡ ማህበሩ በአፍሪካ የመልካም አስተዳደር በሚረጋገጥበት ሁኔታ ላይ የሚሰራ እንደመሆኑ ህብረቱ ለአፍሪካ ሰላም መስፈን፣ ፖለቲካዊ መረጋጋትና የግጭት አፈታት ተግባራት የራሱ አስተዋፅኦ እንደሚኖረውም ታምኖበታል፡፡

በጉባዔው ላይ የኢትዮጵያ ፌዴራላዊ ዲሞክራሲያዊ ሪፐብሊክ ፕሬዚደንት የተከበሩ ዶ/ር ሙላቱ ተሾመ፣ እና ክብርት ዶ/ር ንኮሳዛና ድላሚኒ ዙማ፣ የአፍሪካ ህብረት ኮሚሽን ሊቀመንበር ንግግር እንደሚያደርጉም ይጠበቃል፡፡

ማህበሩ ቀደም ሲል የመጀመሪያዎቹን ሦስቱን ጠቅላላ ጉባዔዎች በደቡብ አፍሪካ፣ ሊቢያና አንጎላ እ.ኤ.አ. በ2005፣ 2008 እና 2010 ላይ ማካሁዱ ይታወሳል፡፡

መጨረሻ የተሻሻለው በ ሐሙስ, 30 October 2014 14:47
 
<< Start < Prev 1 2 3 4 Next > End >>

Page 1 of 4